Napizia

Dizziunariu dâ Lingua Siciliana

Sicilianu

Benvinuti a Napizia, unni sviluppamu un dizziunariu e un tradutturi pi la lingua dâ puisia, la lingua parrata dî genti dâ Sicilia, dâ Calabbria e dâ Pugghia.

Li paisani ccà parranu napitinu, un dialettu calabbrisi dâ lingua siciliana ca annutamu cu grammatica, pruverbi, puisia, prosa e esempi.

Li dialetti parrati in Sicilia, in Calabbria e in Pugghia hannu soni assai diversi, ma la lingua è una. Nta sti paggini prisintamu la lingua e li parrati.

Putiti circari la nostra ricota cû strumentu Trova na Palora. Reggistramu ogni puisia esattamenti comu fu scritta ntâ fonti originali, accussì ca ogni parrata dâ lingua veni reggistrata nta sti paggini.

Tutti li puisii sunnu attribuiti ê sò auturi. Salvu diversa indicazioni, li proverbi provenunu dû dizziunariu di Nicotra (1883). E lu nostru dizziunariu si basa supra lu vocabbulariu di Arthur Dieli.

Lu nostru Tradutturi Sicilianu ora traduci beni. E lu sviluppamu ancora. La qualità cuntinuerà a migghiurari comu ricugghiemu chiù esempi dî quali la machina pò mparari.

Arba Sicula e Arthur Dieli furneru li dati di addestramentu assemi ô sò sustegnu e assistenza generusa. Vi nvitamu a aiutarinni puru. La maggiuranza dî nostri risorsi linguistici pruveni dâ Sicilia, quinni apprizzamu in manera particulari campiuni dî dialetti parrati in Calabbria e in Pugghia.

Nvitamu a tutti a viniri a Napizia ed a unirisi a nui ntô studiu dâ lingua.